මට හොද මගේ ආගම විතරද..?

අපේ ආගම අපිට ලැබෙනුයේ අපේ දෙමව්පියන්ගෙන්ය.අපි ඉපදෙන විට අපේ දෙමව්පියන් අදහමින් සිටින ආගම අපේ ආගම ලෙස ලියාපදින්චි වන අතර ඔවුන්ටද එය ලැබුණේ එලෙසටමය.එය දායාදයක් ලෙස අප උපතේදීම දෝත මත තබාගෙන එන දෙයක් විනා හැදෑරීමකින් අපිට ලැබෙන්නාවූ දෙයක් නොවේ.ජාතියද එසේමය.උපතේදී අපේ නමට ඉදිරියෙන් register  වූ ආගම හැදෑරීමේ අවශ්යතාවක් අපට තිබෙන්නේය.බොහෝ දුරට එය ලබාගනුයේ පාසලෙන් හා දහම් පාසලෙන්ය.

අපි ඒකාලේ ඉස්කෝලේ යනවිට ආගම period එකට බුද්ධාගම මිස් පන්තියට එනවිට මුස්ලිම් ලමයි ටික (අපි ඒ කාලේ කිව්වේ නම් තම්බියෝ ටික) ඉස්ලාම් ආගම හැදෑරීමට වෙනම පන්ති කාමරයකට ගියෝය.සතියේ දවස් 5 පාසලෙන් ආගම ඉගෙනගත් ලමයින් තම්න්ගේ ආගම විශේශයෙන් හදාරන්නට යන්නේ ඉරිදා දහම් පාසලටය.තම ආගමේ ඇති විශේශ ගැබුරු ආගමික කරුණු මෙන්ම පසුකාලීනව ආගම් මත පැටවුනාවූ සන්කල්ප,අර පූජා මේ පූජා,විවිදාකාර උත්සව ඔලුවට දමාගනුයේත් පුරුද්දක් කරගනුයේත් දහම් පාසල් වලින්ය.පාසල් වලින් ලබාගත්තාවූ ආගමේ තිබූ නියම හරය modify වී practically implement කල හැකිවන ප්‍රදර්ශනාත්මක මෙවලමක් බවට පත්වන්නේ දහම් පාසල් වලිනි(දහම් පාසල් වලින් වන සේවයක් නැතැයි මින් නොකියවෙන අතර ඒ වන්නාවූ සේවය අගය කල යුතුය.)

ඒ කෙසේ වෙතත් ආගමක් යනු හැදෑරිය යුතු තවත් එක් සන්කල්ප සමූහයක් හා මාර්ගෝපදේශනයක් විනා අන් කිසිවක් නොවේ.සෑම ආගමකම පාහේ ජීවිතය සාර්තක කරගැනීමට අවශ්ය මූලික මාර්ගෝපදෙශනයන් සපයා ඇති අතර ඒ තුලින් සෑම දෙනාට යහපතක් වන සමාජයක් සදහා පාර පෙන්වා ඇත.ඒ මූලික හරයන් ගත් කල සියලුම ආගම් වල දේශනාව සමාන වන්නේය. ඒ අතර ගැටීමක් බොහෝ විට නොමැත්තේය.

නමුත් එතනින් එහාට යන කල විවිද වූ කරුණු අරබයා විවිදාකරවූ සන්කල්ප ගොඩනැගී ඇති අතර ඒවා විවේචනයකින් හෝ තර්කානුකූල පෑහෑදිලි කිරීම් වලින් තොරව හුදෙක් බක්තිමත්වූ විශ්වාසයන් මත පිලිපෑදගෙන එන්නාවූ කරුණුය. ඒවා සන්වාදයට විවෘත නොවන අතර ඒවා තම ආගමේ නාමයෙන් දොහොත් මුදුන්දී පිලිගත යුතු කරුණුය.ඒ වැට කඩුලු බැදීම ආගමෙන් ආගමට අඩු වැඩි ලෙස ඇත.සමහර ආගම් වල ඒවා ප්‍රශ්න කිරීම පවා තහනම් කිරීමට තරම් රලුය.ඒ කාරණා කෙසේ වෙතත් සමාජයේ සාතිශය බහුතරය අනික් ආගම් වල සන්කල්ප හා දේශනාව පිලිබද මෙලෝ හසරක් දන්නේ නැත(ඇත්තෙන්ම තම්න්ගේ ආගම ගැනද කෙල පැමිනි දැනුමක් නැත )

අන් අයගේ සන්කල්ප ගැන ඇති නොදෑනීම හා තම්න්ගේ සන්කල්ප ගැන පවත්නාවූ අන්ධ විශ්වාසය හේතු කොටගෙන බොහෝ දෙනා තමන් ඉදිරියේ register නොවූ ආගම් ගැන දරන්නේ පහත් මතයකි,ඒවා දෙස බලනුයේ මිත්යාදෘශ්ටික ලේබලය ඇලවූ  නරක්වූ බාන්ඩ දෙස බලන බැල්මෙනි.මේ නිසා ආගම් පිලිබද වඩා කිට්ටු වූ හැදෑරීමක් අවශ්ය වන්නේය.කුඩා කල සිටම තමන්ගේ ආගමේ සන්කල්ප හදාරමින් එන ලමුන්ට 6 වසරේ සිටවත් අනික් ආගම් ගෑන හැදෑරීමක්ද අවශ්ය වන්නේය.මේ හැදෑරීම ආගම් වල තිබෙන්නාවූ සන්කල්ප ගැන විය යුතු අතර ඒවා ඒ ඒ ආගම් වල ඇති පුරාජේරු කතා,වීර කතා හා මැජික් කතා වලින් තොර විය යුතුය(ඒ අදාල කතා තම්න්ට වෙන්වූ ආගම ඉගෙන ගන්නා විට කියා දිය හැක ). තමන්ගේ ආගම වෙනමම විශයක් ලෙස ඉගෙනගන්නා අතරතුර සියලු ආගම්වල කර ඇතිවූ දේශනාවන්, සන්කල්පයන් ලෙස(වදින පුදන දෑ ලෙස නොව )  වඩා ලගින් ඇසුරු කිරීමට ලමයින්ට මෙයින් අවස්ථාව ලැබේ.සමස්තයක් වශයෙන් ආගම් නම්වූ සන්කල්ප සමූහය යනු කුමක්ද? ඒවා කුමක් සදහාද ?..එයින් වඩා හොද ලෝකයකට අවැසි වන්නේ කිනම් කරුණුද ? පසුගාමී,විනාශකාරී හා මිත්යාවෙන් බරව තිබෙන්නාවූ, ඉවතලිය යුතු වන්නේ කිනම් කරුණුද? යන්න ආගම මත පදනම් නොවී තම තම නැණ පමනින් තෝර බේරා ගැනීමට ලමයින්ට මාර්ගයක් විවෘත කිරීමක් මෙයින් සිදුවේ.(මේ අරමුණු ඉටුවන්න නම් ඉතින් මේවා සමාජ ප්‍රගමනය තකාවූ ධනාත්මක චින්තනයෙන් යුතුව ඉගැන්විය යුතු  අතර මේ පවතින ඔල්මොරොන්දම් විබාග පස්සේ දුවන system එකේ තවත් එක් subject එකක් වන්නේනම් නම් මෙය හෙනම විකාරයක් පමනක් වන බවද කිය යුතුමය)

සාමාන්ය පෙල දක්වා ලබාදෙන සියලු ආගම් ගැන සන්කල්පමය හැදෑරීමේ මූලික අරමුණු විය යුත්තේ සියලු ආගම් වල පවත්නා මූලික කරුණු පුද්ගල ජීවිතය සාර්තක කරගනිමින් වඩා හොද සමාජයකට පාර කියන මාර්ගෝපදේශනයන් බව තහවුරු කිරීම හා සියලු ආගම් දෙස සන්කල්පමය හෑදෑරීමකට ලමයා යොමු කිරීමයි.ඒ තුලින් සියලු දෙනා තම තම්න් උපතින් දරා ගෙන ආ ආගම කරපින්නාගෙන ගමන් කිරීම වෙනුවට වඩා තර්කානුකූල පදනමක සිට දැනුවත් බාවයෙන් යුතුව තම ජීවන දර්ශනය සකස් කර ගැන්මට හුරු වනු ඇත.සමාජයේ පවත්නා සියලු සන්කල්පමය කරුණු සන්වාදයට විවෘත වන්නාසේ ආගමික සන්කල්පද සන්වාදයෙන් හා කිරා බැලීමකින් පසු තාර බර ඉවත් කර තම ජීවිතය හැඩ ගස්වා ගන්නා මෙවලමක් බවට පත් කර ගැනීමට මිනිසුන් හුරු කල යුතුය.තම නම ඉදිරියේ register වූ ආගම ආබරනයක් සේ සලකා  මිනීමරගන්නා තෑනට සමාජය තල්ලු කරවන සමයක ආගම යනු සන්කල්පමය මෙවලමක් බවත්, පුලුල් වූ සන්වාදමය හැදෑරීමකින් පසු ඒ ඒ ආගම් වල පවතින්නාවූ අඩුවැඩිය එකතු කරගනිමින්  වඩා යහපත් වූත් බෙදීම් වලින් අඩු වූත් ලෝකයක් කරා ගමන් කල හැකි රථයක් නිර්මාණය කල හැකි බව කුඩා කල සිටම අපේ දරුවන්ට අප කියා දියයුතුය.

පින්තූරය අන්තර්ජාලයෙන් උපුටාගන්නා ලදී