Tuesday, February 4, 2020

හැම තැනම දුම(10th epi) - නිරුවත් පිටක් උඩ අකුරු සෙල්ලම

"පිදුරංගල...ඒක නේද ලියන්න යන්නේ ?".

"ලියලා ඉවර වෙනකල් උත්තරේ කියන්න බෑ මෝඩයෝ. සිංහල තේරෙන්නේ නැද්ද.." මැන්ඩි පිටට හයියෙන් පාරක් දුන්නා. අඩුම ගානේ ඇඟිලි තුනක්වත් පිට මැද්දෙ කැටයම් වෙන්න ඇති ඒ පාරෙ සැරට. එදා දවසෙ සිද්ද උනු දෙවනි වටේට පස්සේ එයා හිටියේ මගේ පිට උඩ අකුරු ලියමින්. ඇඳුම් ඇඳගන්නවත් ඉඩ නොදී මැන්ඩි පටන් ගත්ත අකුරු සෙල්ලම ජයටම කෙරීගෙන යනවා.ඒසී එකේ සීතලට ගොදුරු උනු නිරුවත් පිට මත ලාවට තැවරෙමින් යන එයාගේ දබරැඟිල්ල නිසා හිරුගඩු පිපෙනවා අවාරෙටත්. ඇඟිල්ලෙන් පිට උඩ ලියවෙන අකුරු තෝරන්න තමයි මට තිබ්බේ. වැලි පීල්ලේ අකුරු ලියනවා වගේ හරියට. Virtual අකුරු ලියවෙන පිටට කියන්නේ පිට පීල්ල ද එතකොට.

එයා ස්පර්ශයෙන් ලිව්ව පලවෙනි අකුර "මැ" යන්න. දෙවනි අකුර "ට්" යන්න. "මැට්ටා නේද ලියන්න යන්නේ." මම ඇහුවා.
" අයියෝ ලියලා ඉවර වෙනකල් කියන්න ඔට්ටු නෑ." එයා පිට පිහිදුවා.
"මොකක්ද ඒ කලේ"
" ලියපු ටික මැකුවා".
"මකන්න දෙයක් නෑනේ. ඇත්තට මුකුත් ලියවිලා නෑ නේ."
"මැට්ටෙක්ම තමයි කිසි රොමෑන්ටික් ගතියක් නැති".

"පි" වලින් පටන් ගත්ත දෙවනි වචනේ තමයි ඇඟිලි තුනක කැටයමක් එක්කරපු පාරකින් අවසන් උනේ. බොරු කේන්තියක් මවාගත්තු මම එයාව පෙරලගෙන පිට පැත්ත හරවගත්තා. පිට පැත්ත හරවන්න ලෝබයි නිරුවත් ඉස්සරහක ඇති ලස්සන දේ බොහොම නිසා. ඒත් දැං හංස සෙල්ලම් බලන වෙලාව නෙවී අකුරු කරන වෙලාව. ඒ නිසා අකුරුලියන්න හරවගත්ත පිට පොත. පිට පොත පෙරලුවාම නැවත නැවතත් තහවුරු වෙන්නේ ගැහැණු දිගු පිටක ඇති ලස්සන. සමහරවිටෙක කලබලය නිසාම මග හැරෙන ඒ ගලාහැලෙන චමත්කාරය.....මං ඒ දිහා බලං දැහැනකට සම වැදුනා. උරහිස් කඳු මතින් පල්ලං බැහැලා රිද්මීයව ගලා හැලෙන කොඳු නාරටි සානුව දිගේ පහලට ගෑටුවා. ඊට පස්සේ ආයෙමත් කොන්දෙන් පටං අරං නාරටි සානුව දිගේ උඩහට ගිහින් උරහිස් කඳු නැගං දිගු ගෙල දිගේ හෙමින් ගමනක් ගිහින් එයාගෙ කොන්ඩෙට උඩින් ඈතින් පේන සීගිරි ගල මුදුනට ගොඩ වුනා. ගල මුදුනේ මාලිගේ ඉඳන් අපි ඉන්න තරු පන්තියේ හෝටල් කාමරය දිහා බැලුවා. ආලකමන්දාවේ ඉඳන් බලද්දී ඈතින් පේන ඇඳ මත වැතිරිලා මැන්ඩිගේ මුහුණ දැක්කම , සරාගය ඉතිරෙන ඒ ඇස් දෙක දැක්කම ඒ නාරි දේහයේ අලංකාරය ගලක ඇඳෙන චිත්‍රයකින් විතරක් අහවර කරන් හිත හදාගන්න පුලුවන් ද?.

"මොකෝ කරන්නේ ලියන්නේ නැද්ද?" මැන්ඩි මගේ දැහැන බින්දා. ආලකමන්දාව උඩ ඉඳන් මම මැන්ඩිගේ පිට උඩට පෙරලුනා. සීගිරියට පර්‍යාය දෙන හැන්දෑ අහස් තලය ලා කහපාටින් දිස්නය දෙමින් තිබ්බේ සොබාදම් සිත්තරා තම පින්සලේ තැඹිලි පාට තවරගෙන ඊලඟ පින්සල් පාර එල්ල කරනකල් වෙන්න ඕන. මැන්ඩිගේ දිගු පිටත් ඒ කහපාටින්ම දිස්නය දෙනවා. මේ තියෙන්නේ අහසේ දිස්නයද නැත්නම් කැටපත් පවුරේ දිස්නය ද ?. මොන දිස්නය උනත් ඒක අකුරු ලියන්න ආරාධනා කරන දිස්නයක් නම් නෙවී. ඈත අහසේ විදුලියක් කෙටුවා. රත්වීගෙන එන හිත තත්පර ගානකට පාලනය කරගෙන මම පලවෙනි අකුර ලිව්වා....."වි" .

3 comments:

  1. සින්ඩි එකක් https://sithuvili.info/

    ReplyDelete
  2. Replies
    1. හරියටම හරි. දස්සයෙක්නෙ ඔයා

      Delete